Kulturys nūtikšonys aprelī

 

Modernuo baleta deju trupa „Complexions“ dybynuota 1994. godā i tuos puorsteidzūšuo dažaidu metožu, stylu i kulturu kombinaceja ir sataisiejuse piļneigi jaunu i aizraunūšu cylvāka kusteibu redziejumu. Muokslinīcyskī vadeituoji – Dvaits Roudens i Dezmonds Ričardsons. Nūtikšonys 3 daļuos byus nūsaveramys 5 baleta izruodis ci tūs fragmenti: „Golvys daļa” (2014), „Testaments (Dereiba)” (2011), „Igual” (2014), „Es asu jiusu cylvāks” (2010) i „Īškejuos vizejis” (2013).

 

Latvejis Pareizticeiguos bazneicys veiru kors „Logos“ viersprīstera Joana Šēnroka vadeibā Leldīnis gaideišonys laikā aicynoj izbaudeit pareizticeiguos bazneicys mūku i genialūs krīvu komponistu radeitūs Leluo gavieņa laika dzīduojumus veiru koram.

 

Koncerta pyrmajā daļā izskanēs vīnu nu kruosainuokūs i daudzveideiguokūs „Iļģu“ albumu „Saules meita“, a ūtrajā daļā fragmenti nu vierīneiguos folkroka operys ar Raiņa dzeju „Spēlēju, dancoju“. Koncerta eipašais gosts – Irīna Rebhūna.

 

KVN Augšuokuos leigys superčempioni – komanda „Ujezdnij gorod” – ar skateituojim labi pazeistamim, īmeļuotim i jaunim numerim. Skateituojus sagaida sasatikšona ar eistu Uralu veiru Sergeju Pisarenko, opoleigū i kautreigū „botaniki” okulerūs Jevgeniju Nikišinu, myužeigū škoļnīku zylā školys formā i mugursūmu placūs Arkadiju Lapuhinu i sportistu ar nageni golvā Aleksandru Žurinu.

 

 

Pyrmū reizi vīnā koncertprogramā izskanēs saceriejumu nu 2014. goda oktobrī nūtikušūs Eiropys vadūšūs koru aba TENSO dīnu Atkluošonys i Nūslāguma lelkoncertu, kurim īdviesme dabuota puosoku tematikā, kai ari skaņdorbi senejūs dzīduojumi tematikā. Koncertā pīsadola Aleksandrs Maijers, katuoļu prīsters Kārlis Miķelsons, staroveru prīsters Tāvs Vasilijs i soprans Iveta Romancāne.

 

Breineiguo Sanktpīterburgas Nikalaja Parfjonova džeza ansambļa uzastuošona, kū itūreiz papyldynuos ari pošu sātys prīca – Rēzeknis bigbends Laura Amantova vadeibā. Koncertā izskanēs Raimonda Paula, Frenka Sinatrys, Pītera Eskina i cytu džeza muziķu skaņdorbi, kai ari latgalīšu tautysdzīšmu popurejs.

 

Albums Treispuksti ir eipašs ar tū, ka tymā apkūpuotys dzīsmis ar dzejneicys Egitys Terēzis Jonānis haikom. Albumā vydā ari kaida cīši eipaša dzīsme latgaliski, kurū Laura sacerieja muosys kuozom. Itū dzīsmi koncertā Laura dzīduos kūpā ar tenoru Jāni Kurševu. Koncertā pīsadaleis ari taidi muziki kai Artis Orubs, Ieva Supjeva, Liene Dravniece, Norberts Skraucis, Kārlis Indrišonoks i c.

 

Jubileja koncerta pyrmajā daļā skanēs dzīsmis nu grupys „Dakota“ jaunuo svātku albuma, kai ari kūpā ar klauseituojim izgavilēsim legendaruos grupys „Dālderi“ skaņdorbim: „Dzeltenie aizkari“, „Džokonda“, „Neskaties mēnesī” i dzīsmem nu muzykla „Nāc pie puikām”, a ūtrajā daļā dzierdēsim grupys „Dakota“ zalta repertuaru: „Kurtizāņu ugunskurs”, „Vakariņas5-atā” i cytus grupys popularuokūs hitus.

 

Leļu izruode viestej par zači, kurīs kaidu dīnu ir izdūmuojs sev pats sataiseit lobuokū draugu – robotu, kas iz prīšku vysu dareitu juo vītā! Izruodē pīsadola pīcys lelis – Začs, Zylūnāns, Vuovere, Puoce, Vylcāns, Robots, kū sataisiejuši īmeiļuotuos animacejis studejis „Avārijas brigāde“ meistari.

 

Rēzeknis kamerorkestra pavasara koncerts „Plaukstošais jasmīns", kurymā izskanēs Franča Šūberta, Pavlo Sarasatis, Georga Pelēča i Franča Veksmena skaņdorbi. Kamerorķestrim dirigenta Jāņa Stafecka vadeibā dasavīnuos talanteigais breinumbārns, jaunais, desmitgadeigais vejūlnīks Daniils Bulajevs.

 

Arstarulsmirus stuovizruode „Iekšējās balsis” ir humoristiskys, pašironiskys monologs par cylvāka īškejuo pasauļa daudzejim sluonim. „Jau Gustavo laikā, īsadvesmojūt kau nu krīviski, tai angliski runojūšūs humoristu prīšknasumu, ar publiku raugu komunicēt stand-up comedy manīrē,” soka Arstarulsmirus, pīduovojūt pylnmetražys stand-up comedy izruodi.

 

Virtuozs romaņču izpiļdeituojs, Krīvejis nūpalnim boguotais skotivis muokslinīks Oļegs Pogudins piec garys pauzis otkon īprīcynuos Latvejis skateituojus. Itūreiz publikys meiluļs kūpā ar kamermuziķu sastuovu izdzīduos programu „Skaistuokuos krīvu dzīsmis i romaņcis“.

 

Latvejis vaļsts reitinga saceņseibys Latiņamerikys i standardeju programā „Rēzeknes Domes Kauss 2015”, Latvejis Kausa izceinis pūsmys. Suokys – 9.30, vokora daļa 19.00, īīšonys kartis skateituojim vysys dīnys garumā 6,00 €. Vītys pi gaļdeņu – informaceja i rezervacejis telefoniski 29161019 (Ilona).

 

Muokslineiču Vēsmys Ušpelis, Ilzis Griezānis, Vijis Stupānis i Agrys Ritinis dorbu izstuode. Vysys vīnoj vīna škola – Rēzeknis Muokslys i dizaina vydsškola, piečuok i Latvejis Muokslys akademejis Latgolys filiale, kur tyka dabuots radūšais cīns iz gleznīceibu.

 

Programa var pasamaineit. Lyudzam sekuot leidza informacejai!

LAV/LTG/RUS/ENG nūtikšonys volūdys nūruode

7+ nūtikšonys, iz kurom bārni da 7 godu vacuma vydā natiks laisti

GORS nūtikšonys, kuruos reikoj SIA "Austrumlatvijas koncertzāle"