2017. goda 24. novembrī Latgolys viestnīceibys GORS Lelajā zālā nūtika Latvejis simtgadys koncertzikla KŪRZEMIS GRADZYNS lelkoncarts.
"Pyut, viejeni, dzen laiveņu, nūdzen mani Kūrzemē" vītā, kur teik gūdynuotys lībiskuos tradīcejis, īsasakņuojuse unikala suitu kulturtelpa i kasdīnā energetiskais spāks caurvejās nu jiurys krostu i pādim smiļtī. Naatlaideiga īsasakņuošona pošim sovā sātā. Breiveibys i plašuma telpā, kurymā kluotyn asūšs seņču montuojums – goldā teik calti sklandrauši, bet saimineicys rūtojās dzyntara zeilem…
Pīsadola:
Latvejis Radejis kors, Vaļsts Akademiskais kors “Latvija”, Līpuojis Simfoniskais orkestris, etnomuziki, folklorys kūpys, solisti.
Dirigents: Māris Sirmais
Režisors: Reinis Suhanovs
Vīns nu vierīneiguokūs Latvejis vaļsts symtgadis projektu “Latvijas gredzens” ir Latvejis Radejis kora muokslinīcyskuo vadeituoja i dirigenta Sigvarda Kļavys izlūluots. Četrūs konceptuali dažaidūs gradzynūs, muzykalūs kūpumūs teik izcaltys i paruodeitys kotra Latvejis nūvoda sovpateibys, boguoteibys i energeja nu vītejūs ļaužu skotupunkta. Latgolys unikalais kulturys montuojums ar tuos fenomenu – tradicionalū muziciešonu i katuoļu bazneicys tradiceju sasaveišonu, Kūrzemis jiurys spāka caurveišonuos cylvāku kasdīnā, Vydzemis nacionaluo steiga i patriotisma simboliskuo telpa i Zemgale kai pamalis plotums, kurymā sasateik dvieseļu upis.
Ideja eistynojās 16 koncertizvadumūs, kas cikliski teik izruodeiti četrūs Latvejis koncertzalūs. Kotra nūvoda gradzynu taisa cyta muokslinīcyskuo i radūšuo komanda: Inese Mičule, Reinis Suhanovs, Roberts Rubīns, Māris Sirmais, Inese Zandere, Katrīna Neiburga, Guna Kalnača, Jānis Mitrēvics un “Dd studio”, Vaļsts akademiskais kors “Latvija”, Latvejis Radejis bigbengs, Līpuojis Simfoniskais orkestris i cyti. Kai namaineigs lelums projektā pīsadaleis idejis autors Sigvards Kļava i Latvejis Radejis kors.
Foto: Andrejs Vasjukevičs/ Latgales vēstniecība GORS
