Īsajust muokslinīka uodā, izkuopūt iz Leluo zala skotivis ci paraugūt dejis sūli horeografejis zalā, atrost sovu idealū vītu Mozajā i Lelajā zalā, īsavērt aizskotivē i muokslinīku ustobuos, izbaudeit vieju, sauli i piļsātys ainovu nu jumta terasis, sajust eipašū GORS auru – itī i cyti izklaidejūši i izzynojūši puorsteigumi baudomi, atbraucūt gostūs iz Latgolys viestnīceibu GORS.
Latgolys viestnīceiba GORS gostus meili gaida ari tod, kod ite nanūteik kulturys pasuocīni. Ekskurseju laikā ir vareiba apsavērt sātys golvonuos ustobys, tymā skaitā, Mozū i Lelū zalu, orkestra mieginuojumu i horeografejis zalus, kai ari īsavērt aizskotivē, muokslinīku ustobuos, izkuopt iz jumta terasis i ļautīs iudiņa prīcom stryuklakā sūpluok Latgolys viestnīceibai GORS.
Ekskurseja gida pavadeibā moksoj 2,00 € vīnam cylākam, ka grupā ir mozuok par desmit ļaužu – 20,00 €. Školānim, studentim, seniorim, pyrmuos i ūtruos grupys invalidim moksa par ekskurseju ir 1,50 € nu kotra (ci grupai mozuok par desmit ļaužu 15,00 €). Gasteišonu lyudzam īprīšk dasaceit pa teleponu +371 22020206.